សុខភាព៖ តើទឹកនោមប្រៃមានន័យដូចម្ដេច?

ទឹកនោមតែងតែមានរសជាតិប្រៃ តែក្នុងន័យវេជ្ជសាស្ត្រគឺមានន័យថា មានជាតិសាច់ក្នុងទឹកនោម ឬ មានប្រូតេអុីនក្នុងទឹកនោម។ តាមធម្មតាក្នុងទឹកនោមមនុស្សយេីងគ្មានជាតិសាច់ (ដែលតាមទម្លាប់គេហៅទឹកនោមប្រៃ) នោះទេ។ ទាល់តែតម្រងនោមមានជំងឺ។

រោគសញ្ញា៖

– ហេីមត្របកភ្នែក
– ហេីមជេីងទាំងសងខាង ហេីយចុចទ្រុឌ
– ករណីធ្ងន់ធ្ងរ ហេីមសព្វទាំងខ្លួន ទាចទឹក ទឹកក្នុងស្រោមសួត ។ល។

មូលហេតុ៖

មានជំងឺមួយចំនួនដែលអាចបណ្ដាលឲ្យមានទឹកនោមប្រៃ ដូចជា៖
– ទឹកនោមផ្អែម
– លេីសឈាម
– រលាកតម្រងនោមរ៉ាំរ៉ៃ (glomerulonephritis)
– ក្រឡាភ្លេីង
– ជំងឺប្រព័ន្ធភាពសាំក្នុងរាងកាយ
– ជំងឺអាមុីទ្បូស (Amyloidosis)

ការពិនិត្យទឹកនោម៖

វិធីដែលល្អហេីយសុក្រិតនោះគឺ ការពិនិត្យទឹកនោម២៤ម៉ោង។ គឺតម្រូវឲ្យអ្នកជំងឺត្រងទឹកនោមទុក២៤ម៉ោង រួចកត់ចំណុះទុក។ អ្នកជំងឺអាចយកទៅមន្ទីរពិសោធន៍វេជ្ជសាស្ត្រទាំងអស់ ឬក្រទ្បុកទឹកនោមទាំងអស់ចូលគ្នារួចត្រងមួយកំប៉ុងយកទៅពិនិត្យ៕

កម្មវិធីទូរស័ព្ទ «កំណត់ត្រាទឹកនោមផ្អែម » ជាគម្រោងមួយមិនស្វែងរកប្រាក់ចំណេញ បង្កើតឡើងក្នុងគោលបំណងដើម្បីលើកកម្ពស់ការយល់ដឹង វិធីការពារ ការថែទាំ និងការព្យាបាលជំងឺទឹកនោមផ្អែម។ កម្មវិធីដំណើរការនៅលើប្រព័ន្ធ iOS និង Android ដែលលោកអ្នកអាចទាញយកទៅប្រើប្រាស់បានដោយឥតគិតថ្លៃ។